Felipe Prósperi
| Biografía | |
|---|---|
| Nacemento | 1817  Perugia |
| Morte | 12 de maio de 1899 (81/82 anos) Vigo, España |
| Actividade | |
| Lugar de traballo | Vigo |
| Ocupación | fotógrafo, actor de teatro |
| Familia | |
| Cónxuxe | Cándida Otero Fontán |
| Fillos | non tivo |
Felipe Prósperi Cortechi, nado en Todi, Provincia de Perugia, en 1817 e finado en Vigo o 12 de maio de 1899, foi un fotógrafo italiano asentado en Vigo.
Traxectoria
[editar | editar a fonte]Chegou a Galicia formando parte da compañía teatral de Adelaide Ristori.[1] O 25 de setembro de 1869 casou na Igrexa de San Bartolomeu coa pontevedresa Cándida Filomena Otero Fontán (1846-1915), moito máis nova ca el.[2] Instaláronse como fotógrafos, primeiro en Pontevedra, na rúa Parador, e despois en Vigo, na rúa Sombrereros, logo na rúa Triunfo e por último na rúa do Príncipe.
Á morte de Felipe, en 1899, Cándida Otero quedou á fronte do negocio como Viuda de Prósperi. Non tiveran fillos. En 1907 asociarase con Jaime Pacheco, levando a empresa o nome de Pacheco y vda. de Prósperi.[3]
O traballo do matrimonio Prosperi-Otero foi a orixe do que despois se deu en chamar Arquivo Pacheco.[4]
Recoñecementos
[editar | editar a fonte]Desde 1996 unha rúa do barrio da Florida de Vigo leva o nome de Felipe Prósperi.
Notas
[editar | editar a fonte]- ↑ Echave Durán, María Cristina. "Felipe Prósperi Cortechi" Diccionario Biográfico electrónico (DB~e). Real Academia de la Historia.
- ↑ Bará, Milagros (5/8/2018). "Cándida Otero, la primera fotógrafa de Pontevedra". Diario de Pontevedra (en castelán).
- ↑ Padín Ogando, Fernanda. "Cándida Otero (1846-1915)"
- ↑ Sendón, Manuel; Suárez Canal, Xosé Luis (1990). Arquivo Pacheco, Álbum (en galego e inglés). Centro de Estudos Fotográficos. ISBN 84-404-8386-4..
Véxase tamén
[editar | editar a fonte] |
Wikimedia Commons ten máis contidos multimedia na categoría: Felipe Prósperi  |
Bibliografía
[editar | editar a fonte]- Acuña, X. E.; Cabo, J. L. (2000). "La Fotografía en Galicia: Fotógrafos y Fotografías de una Galicia en Blanco y Negro". Galicia en blanco y negro (en castelán). Espasa-Calpe. p. 84. ISBN 84-239-9327-2.
- Giráldez Lomba, Antonio (2010). 200 memorias de Vigo (en castelán). Caixanova, Faro de Vigo e Alcaldía de Vigo. p. 111. VG 955-2010.
- González Martín, X. (1991). Vigo no espello dos nosos avós. Edicións Xerais de Galicia. pp. 182–184. ISBN 84-7507-542-8.
- ————————— (1995). "Orígenes de la Fotografía en Vigo (1850-1880)" (PDF). Glaucopis (en castelán) (IEV) (1): 199–221. ISSN 1135-1810.
- ————————— (2012). "Más de medio siglo de fotografía en Vigo (1882-1936)" (PDF). Glaucopis (en castelán) (IEV) (17): 107–182. ISSN 1135-1810.
 Prado, P. (2014). A lembranza do ollar (III): Filippo Prosperi e Cándida Otero CCG. |
